ಕನ್ನಡದಲ್ಲಿ ಬರೆದು ಹುಡುಕಿ

ನಮ್ಮಯ ಮಾತೆ ಗೋಮಾತೆ

ನಮ್ಮಯ ಮಾತೆ ಗೋಮಾತೆ
ಸಮನ್ಯಾರು ಇವುಗಳ ತ್ಯಾಗಕೆ
ಅಮ್ಮನ ಸಮ ಶ್ರಮ ಪ್ರೇಮವನೀಯುತ
ನೆಮ್ಮದಿ ನೀಡುವಳು
ತಮ್ಮಯ ಕೆಚ್ಚಲ ಅಮೃತ ಕುಡಿಸುತ
ನಮ್ಮನು ಪೂರೆಯುವಳು
ಹುಲುಮಾನವನಲಿ ನಾಗರಿಕತೆಯು
ಬಲಿಯಲು ಸೆಲೆ ಇವಳು
ಹೊಲವನು ಉಳುತಲಿ ಬೆಳೆಗಳ ಬೆಳೆಯಲು
ಬಲವನು ತಂದವಳು
ಚಲನೆಗೆ ಸುಖವನು ತಂದವಳು
ನಲುಗದೆ ಭಾರವ ಎಳೆದವಳು
ಮಲದಲು ಹುಲುಸಾದ ಸಾರವನಿತ್ತು
ಇಳೆಯನು ಬೆಳಗುವಳು
ತನ್ನಯ ಕರುಗಳ ತೆರದಲಿ ಸಸಗೂ
ನನ್ನೆಯ ಹರಿಸಿಹಳು
ಕನ್ನಡಿಯೊಳಗಿನ ಬಿಂಬದ ತೆರದಿ
ನನ್ನೊಳಗಿಳಿದಿಹಳು
ಪುಣ್ಯದ ಅರ್ಥವ ಕಲಿಸಿಹಳು
ಪುಣ್ಯಕೋಟಿಯೆ ನನಗವಳು
ಇನ್ನೇನಿದ್ದರೂ ಅವಳನು ಉಳಿಸಲು
ಪಣವನು ನಾ ತೊಡುವೆ
ತೃಣವನೂ ನೀಡದೆ ಮನುಜನು ಅವಳನು
ದಣಿಸಿದರೂ ಅವಳು
ಅನುಮಾನಿಸದೆ ಮನುಜರ ಸೇವೆಗೆ
ತನುವನು ಎರೆದವಳು
ಹಣದಾಹಕೆ ಮಣಿಯೆನು ನಾನು
ಹನನವ ಒಪ್ಪೆನು ಇನ್ನು
ಜನಮಾನಸದಲು ಈ ಅರಿವನ್ನು
ಪಸರಿಸಲಣಿ ನಾನು.
ಪ್ರಕಟಿತ:
ಇದಕ್ಕೆ ಸಬ್‌ಸ್ಕ್ರೈಬ್‌ ಆಗಿ: ಕಾಮೆಂಟ್‌ಗಳನ್ನು ಪೋಸ್ಟ್ ಮಾಡಿ (Atom)

ಕಥಾಕಾಲಕ್ಷೇಪ

ಅಂತವರಿಂತವರು ನಿಂತವರೆಂತವರು ಅಂತೆ ಕಂತೆ ಶುರು ಮಂಥನ ಬಲು ಜೋರು ಪಂಥಕೆ ಇಳಿವವರ್ಯಾರು ಚಿಂತೆಯೊಳಿಳಿದಿಹರಿವರು ಕುಂತರೂ ನಿಂತರೂ ಶುರು ಚಿಂತಕರಾಗಿಹರೀ ಜನರು ಹಣವನು ಚೆಲ್...

  • ಸೂರ್ಯಾಸ್ತ
    ಪೂರ್ವದ ಅರಮನೆ ಅರವಟ್ಟಿಗೆಯನು ಏರಿದ ಆ ರವಿ ನಸುಕಿನಲಿ ಭೂರಮೆ ಸೊಬಗಿನ ದರುಶನದಾಶೆಯು ತೋರಿದೆ ಆತನ ನಿಲುವಿನಲಿ ಸೂರ್ಯನ ರೂಪಿಗೆ ಮುರುಳಾಗಲು ಇಳೆ ಅರಳಿತು ಹೃದಯ...
  • ನಮ್ಮಯ ಮಾತೆ ಗೋಮಾತೆ
    ನಮ್ಮಯ ಮಾತೆ ಗೋಮಾತೆ ಸಮನ್ಯಾರು ಇವುಗಳ ತ್ಯಾಗಕೆ ಅಮ್ಮನ ಸಮ ಶ್ರಮ ಪ್ರೇಮವನೀಯುತ ನೆಮ್ಮದಿ ನೀಡುವಳು ತಮ್ಮಯ ಕೆಚ್ಚಲ ಅಮೃತ ಕುಡಿಸುತ ನಮ್ಮನು ಪೂರೆಯುವಳು ಹುಲುಮಾನವನ...
  • ನಾಗರ ಪಂಚಮಿ
    ಚಿನ್ನ ನಾಗ ಎಂಥ ಚೆನ್ನ ನಾಗ ಧನ್ಯನಾಗ ಪೂಜೆ ಪುಣ್ಯಯೋಗ ಬೆಳ್ಳಿನಾಗ ಎಂಥ ಒಳ್ಳೆ ನಾಗ ಕುಲವ ಬೆಳೆಸಿ ಬಾಳ ಬೆಳಗೊ ನಾಗ ಮಣ್ಣುನಾಗ ನನ್ನ ಕಣ್ಣು ನಾಗ ಬಣ್ಣ ಕೊಡುವೆ...
  • ಸ್ಪಂದನೆ
    ಧನುಶರ ಹಿಡಿಯದೆ ನೀ ಕರದಲ್ಲಿ ಕಣ್ಣಿನ ನೋಟದ ಬಾಣಗಳಲ್ಲೆ ಮಣಿಸುವೆಯಲ್ಲೇ,ಗೊಣಗುವೆಯಲ್ಲೇ ತಾಯಿಯ ಮನೆ ಜಪ ಮಾಡುವೆಯಲ್ಲೇ ಸಾಯುವ ಮಾತುಗಳಾಡುವೆಯಲ್ಲೆ ಬೇಯುವೆಯಲ್ಲೇ,ಬಯ್ಯು...
  • ಸ್ವಂತ ಕಾಲಲಿ ನಿಂತ ಶಾಂತ ಬದುಕು
    ಮಲೆಗಳಲಿ ತಿರು ತಿರುಗಿ ಮೆದ್ದಿರುವ ಮೇವನ್ನು ಮೆಲುಕುತಿವೆ ಹಸುಗಳಿವು ಸುಖದಿ ಮಲಗಿ ಮಲಗಿರುವ ಸುಖಕಿಂತ ಮೆಲುಕುವಾ ರುಚಿಯೇ ಮಿಗಿಲೆಂದು ಮೆಲುಕುತಿವೆ ಅರೆಗಣ್ಣ ತೆರೆದು ...