ವಿರಹ

ಸಂಗಾತಿ ತಂಗಿಯ ಮದುವೆಗೆಂದು
ಸಿಂಗಾರಗೊಂಡು ಹೊರಟಿಹಳು
ಸಂಗಡ ನನ್ನಯ ನಗುವನ್ನೆಲ್ಲ
ಇಂಗಿಸಿ ರೇಗಿಸುತಿರುತಿಹಳು

ರಂಗಿನ ಆಸೆಗೆ ಭಂಗವ ತಂದು
ತಂಗಿಹಳವಳು ತವರಿನಲ್ಲಿ
ಮಾಗಿಯ ತಂಗಾಳಿ ಬೀಸಿದರೂ
ಅಂಗದ ಬೇಗೆಯು ತಣಿಯದಿದೆ

ಅಂಗದನಂಗನ ಜೋಗುಳ ಹಾಡಿ
ಯೋಗದ ನಿದ್ರೆಗೆ ಜಾರಿಸಿದೆ
ಅಂಗಳದಲ್ಲಿಯ ಆ ರಂಗವಲ್ಲಿ
ನಗುತಲಿ ಮತ್ತೆಚ್ಚರಾಗಿಸಿದೆ಼.

ಹೂಗಳ ತೊಗಲಲಿ ಅವಳನು ಕಂಡೆ
ಮಾಗಿದ ಹೂಗಳ ಮುದ್ದಿಸಿದೆ.
ತಾಗಿದ ಕೆನ್ನೆಯ ಬೇಗೆಯು ಧಗೆಗೆ
ಹೂಗಳೂ ದಳಗಳ ಉದುರಿಸಿದೆ.