ಮೋಡವು ಕರಗುತ ಜಡಿಮಳೆ ಹಿಡಿಯಲು
ಕಾಡಿನ ಬಡತೊರೆ ಬೆಡಗಿಯಾಯಿತು
ನಡಿಗೆಯ ಬಳುಕಲಿ ಸಡಗರದಿಂದಲಿ
ನಾಡಿನ ಕಡೆಗೆ ಜಾಡು ಹಿಡಿಯಿತು
ಕಾಡಿನ ಬಡತೊರೆ ಬೆಡಗಿಯಾಯಿತು
ನಡಿಗೆಯ ಬಳುಕಲಿ ಸಡಗರದಿಂದಲಿ
ನಾಡಿನ ಕಡೆಗೆ ಜಾಡು ಹಿಡಿಯಿತು
ಹರೆಯದ ಭರದಲಿ ಮೆರೆಯುತ ಮರೆಯುತ
ಧರಿಸಿದ ಧರಣಿಯ ಕೊರೆಯತೊಡಗಿತು
ಹರಿವಿಗೆ ವೇಗವು ಸರಿಯಲ್ಲವೆಂದ
ಕರಿಬಂಡೆಯ ಝಾಡಿಸಿ ಸರಿದು ಹೋಯಿತು
ಧರಿಸಿದ ಧರಣಿಯ ಕೊರೆಯತೊಡಗಿತು
ಹರಿವಿಗೆ ವೇಗವು ಸರಿಯಲ್ಲವೆಂದ
ಕರಿಬಂಡೆಯ ಝಾಡಿಸಿ ಸರಿದು ಹೋಯಿತು
ಹಿಡಿಯುವರಾರು ತನ್ನನು ಎಂಬ
ಬಡಿವಾರದ ನಡೆ ನಡೆಯತೊಡಗಿತು
ಹಾದಿಯ ಬದಿಯಲಿ ಕಾದಿಹ ಪೂದೆಗಳ
ಮುದ್ದಿಸಿ ಮುಂದಡಿ ಇಡತೊಡಗಿತು
ಬಡಿವಾರದ ನಡೆ ನಡೆಯತೊಡಗಿತು
ಹಾದಿಯ ಬದಿಯಲಿ ಕಾದಿಹ ಪೂದೆಗಳ
ಮುದ್ದಿಸಿ ಮುಂದಡಿ ಇಡತೊಡಗಿತು
ಮದದಲಿ ನಡೆದಿರೆ ಹಾದಿಯ ನಡುವೆ
ಸುಂದರ ನದಿಯು ಎದುರಾಯಿತು
ಎದೆಯೊಳಗುದಿಸಿತು ಮಿದುಭಾವಗಳು
ನದಿಯೊಡನಾಡುತ ಬದುಕು ಕಂಡಿತು
ಸುಂದರ ನದಿಯು ಎದುರಾಯಿತು
ಎದೆಯೊಳಗುದಿಸಿತು ಮಿದುಭಾವಗಳು
ನದಿಯೊಡನಾಡುತ ಬದುಕು ಕಂಡಿತು
ಮಳೆಹನಿ ಕಳೆಯಿತು ಜಲತೊರೆ ಬತ್ತಿತು
ಅವಳಿದ್ದಳೆಂಬ ಕುರುಹುಳಿಯೆತು.
ಹೊಳೆಯನು ಸೇರಿದ ಎಳೆಜೀವಕ್ಕೆ
ತಾನಾರೆಂಬುದೆ ಮರೆತುಹೋಯಿತು.
ಅವಳಿದ್ದಳೆಂಬ ಕುರುಹುಳಿಯೆತು.
ಹೊಳೆಯನು ಸೇರಿದ ಎಳೆಜೀವಕ್ಕೆ
ತಾನಾರೆಂಬುದೆ ಮರೆತುಹೋಯಿತು.
0 ಕಾಮೆಂಟ್ಗಳು
ಕಾಮೆಂಟ್ ಪೋಸ್ಟ್ ಮಾಡಿ