ನೀಲನಭದಲಿ ಹೊಳೆವ ಕಾಯವು
ಇಳಿದು ಬಂದರೂ ಬಳಿಗೆ ನಿಂದರೂ
ಖಾಲಿ ಹಣೆಯಲಿ ನಿಲುವೆನೆಂದರೂ
ಒಲ್ಲೆನೆನ್ನುವೆ ತೊಲಗು ಎನ್ನುವೆ
ಇಳಿದು ಬಂದರೂ ಬಳಿಗೆ ನಿಂದರೂ
ಖಾಲಿ ಹಣೆಯಲಿ ನಿಲುವೆನೆಂದರೂ
ಒಲ್ಲೆನೆನ್ನುವೆ ತೊಲಗು ಎನ್ನುವೆ
ತಾರೆ ಸಂಕುಲ ಸೇರಿ ಮಾಲೆಯ
ಹಾರವಾಗುತ ತುರುಬ ಗಂಟನು
ಸೇರಬಂದರೂ ದೂರ ಓಡುತ
ಜಾರಿಕೊಳ್ಳುವೆ ದೂರ ನಿಲ್ಲುವೆ
ಹಾರವಾಗುತ ತುರುಬ ಗಂಟನು
ಸೇರಬಂದರೂ ದೂರ ಓಡುತ
ಜಾರಿಕೊಳ್ಳುವೆ ದೂರ ನಿಲ್ಲುವೆ
ಮುಂದೆ ಕತ್ತಲು ಹಿಂತಿರುಗಿ ನೋಡಲು
ಸಂದ ದಿನಗಳ ಬೆಳಕು ಹೊಳೆಯಲು
ಕೆಂಡದಂತೆಯೆ ಸುಡುತಲಿದ್ದರೂ
ಹೊಂದಿಕೊಳ್ಳುವೆ ಚಂದವೆನ್ನುವೆ
ಸಂದ ದಿನಗಳ ಬೆಳಕು ಹೊಳೆಯಲು
ಕೆಂಡದಂತೆಯೆ ಸುಡುತಲಿದ್ದರೂ
ಹೊಂದಿಕೊಳ್ಳುವೆ ಚಂದವೆನ್ನುವೆ
ಸ್ವರ್ಗಸುಖಗಳ ತೋರಿದಿನಿಯನು
ಸ್ವರ್ಗಸ್ಥನಾದನು ತೊರೆದನೆನ್ನನು
ದುರ್ಗಕಟ್ಟಿಹ ವರ್ಗದ ಜೊತೆ ಸು
ದೀರ್ಘ ಪಯಣದ ಮಾರ್ಗ ಸವೆಸುವೆ
ಸ್ವರ್ಗಸ್ಥನಾದನು ತೊರೆದನೆನ್ನನು
ದುರ್ಗಕಟ್ಟಿಹ ವರ್ಗದ ಜೊತೆ ಸು
ದೀರ್ಘ ಪಯಣದ ಮಾರ್ಗ ಸವೆಸುವೆ
ನೆನಪಿನಲೆಯಲಿ ಒನಪು ತೇಲುತ
ನೆನಪಲುಳಿಯದೇ ದೂರ ಸಾಗುತ
ಮನಸಿನಂಗಣ ನೆನಪಿನಂಗಣ
ಕನಸಿಗೆಲ್ಲಿದೆ ಜಾಗ ಈ ಕ್ಷಣ
ನೆನಪಲುಳಿಯದೇ ದೂರ ಸಾಗುತ
ಮನಸಿನಂಗಣ ನೆನಪಿನಂಗಣ
ಕನಸಿಗೆಲ್ಲಿದೆ ಜಾಗ ಈ ಕ್ಷಣ
0 ಕಾಮೆಂಟ್ಗಳು
ಕಾಮೆಂಟ್ ಪೋಸ್ಟ್ ಮಾಡಿ